Ana sawijining narasi babagan KDMP, cekakan sekang Koperasi Desa Merah Putih. Crita kiye dudu sekadar omongan kosong, nanging kutipan sekang komentar netizen sing ngrembug bab skema pembiayaan lan risiko sing kudu diadhepi. Inyong maca kanthi teliti, amarga angka-angkane ora cilik lan implikasine ora main-main kanggo desa.
Disebutna yèn pinjamané nganti Rp3 miliar. Sekang jumlah kuwe, Rp2,5 miliar kanggo bangunan, alat prasarana lan kendaraan, dene Rp500 juta kanggo modal muter usaha. Nanging kudu digarisbawahi, kuwe dudu hibah, nanging utang nganggo bunga 4% saben taun. Tegese, nalika duit wis cair lan bangunan wis rampung dibangun, sasi candhake koperasi wis kudu mbayar angsuran Rp50 juta saben wulan, utawa Rp600 juta saben taun. Angka sing ora entheng kanggo ukuran desa.
Supaya teyeng nutupi angsuran Rp50 juta saben wulan, koperasi kudu ngasilna laba bersih Rp50 juta saben wulan. Yen margin bersihé 5%, tegese kudu nggayuh omzet Rp1 miliar saben wulan, utawa kurang luwih Rp33 juta saben dina kanthi stabil. Yen marginé mung 3%—sing luwih realistis kanggo usaha retail sembako—omzet sing kudu digayuh malah nganti Rp1,67 miliar saben wulan. Pitakoné, apa kabeh desa nduwé daya beli tekan segedhé kuwe?
Komentar
Posting Komentar